08:57
17 October 2019
Курсы валют
Курс доллара: 389.81
Курс евро: 430.27
Курс рубля: 6.06
Курс юань: 54.91

АҚТӨБЕДЕ 2 АДАМ ӘКІМДІКТІҢ ЖҮЗ ҚЫЗМЕТКЕРІН ӨЛТІРУДІ ЖОСПАРЛАҒАН

АҚТӨБЕДЕ 2 АДАМ ӘКІМДІКТІҢ ЖҮЗ ҚЫЗМЕТКЕРІН ӨЛТІРУДІ ЖОСПАРЛАҒАН

Жанасыл Жұбатов 15 жылға, Әлібек Әлиев 13 жылға бас бостандығынан айырылды. 

Жұбатов пен Әлиев радикалды діни ағымды ұстанып, ДАИШ идеологиясын қолдаған, деп есептейді тергеушілер. Таныстарына өзге діндегілерге қарсы теракт жасауды насихаттайтын видеороликтерді көрсеткен.

Жұбатов «Паллада» дүкеніне барып, өзіне таныс сатушыдан Макаров тапаншасының оғы мен 16-шы калибрлі аңшы мылтығын сатуды сұраған.

Қылмыстық істе олар әкімдіктің 100 қызметкерін қала сыртына алып шығып, өлтіргісі келгені айтылады.
Ол үшін Жұбатов танысына әкімдікке жұмысқа тұрып, қызметкерлер жұмысқа қашан келіп, қашан кететінін хабарлап отыруды ұсынған.

Сондай-ақ олар экстремизм туралы істі қараған судьяны өлтіріп, оның ақшасын ДАИШ террористеріне қосылу үшін жолға жұмсауды жоспарлап қойған.

Жұбатов пен Әлиев өзге діндегілерге қарсы қарулы жиһад жасауға үгіттеген. Отарда әскери борышын өтеген бір танысынан 3 миллион теңгеге автомат, гранатомет және өзге де қаруларды сатып алуға көмектесуін сұраған.

Жарылғыш құрылғы жасап, ҰҚКД ғимаратын жарып жіберу айыпталушылардың жоспарында болған.
Сотта екеуі де терроризмді насихаттап, ұлт араздығын қоздырғанын, лаңкестік топты ұйымдастырып, қатысқанын мойындамады, деп жазды «Диапазон».

«Үйден қорап алып шықты, онда болттар, гайкалар, тістеуік, силикон, дәнекерлеу майы, сым болды. Кез келген еркек балконда құрал-сайман ұстайды, үйде жөндеу жұмыстарын жүргіздім. Ал маған жарылғыш құрылғының компоненттерін сақтады деген айып тақты», — деді сотта Әлиев.

Үкім шығарылғаннан кейін сотталғандардың аналары журналистерге ұлдарына қысым жасап, ұрып-соғып, істі қолдан жасағанын мәлімдеді.

Добавить комментарий

Ваш e-mail не будет опубликован. Обязательные поля помечены *